星期二, 12月 30, 2008

細個食乜嘢?

晚上看得最開心的節目就是 阿蘓 炒餸,回想起童年時有甚麼東西好吃? 六、七十年代連快餐店都未有,只有大排檔及酒樓的時代。

* 拿擦牙盛水用的瓷杯到街上買一碗魚蛋粉,通常是當作晚上的‘宵夜。
* 晚上有人推車仔在街上賣「粿蒸粽」, 但叫賣的小販通常會變音,叫出‘過精種’的發音,當時生活水平很低,冇食過,但晚晚聽到叫賣聲就知要快D上床訓覺。
* 早餐只食白粥同豬腸粉。
* 在街上食飯通常是到「金菊園」叫一碗‘义燒飯’。
* 外婆帶我放學會買一隻‘鴨腳包’給我吃,一隻鴨掌用鴨腸包著,裡面是一片豬膶。
* 有時吃豬油撈飯,加豉油吃,或吃田雞飯。
* 餸係發水蛋,蒸肉餅,魚等。
* 到餐室時吃 蛋治、飲‘滾水蛋’(在熱水中加隻蛋再加糖)。
* 返學輪流食幾種麵包: 雞尾包、波蘿包、麥包、十字包、腿蛋包、車輪包、墨西哥包。
* 零食計有:凍木瓜(染成深橙色)、孖條、瑞士糖、好立克糖、珍寶珠、發達糖、吹波糖、香口膠、在士多買到的不知名磄菓。
* 飲茶最多嘢食,點心種類較少,最難忘一次係在土瓜灣的金門酒樓飲茶,一籠义燒包中,一隻甴曱夾在兩個包中間,已被蒸成啞黑色,因為驚慌過度!之後有三、四年冇食過义燒包!
* 童年時親戚經常擺酒,很多飲宴機會,似乎吃過很多鮑魚片。
* 如果要問邊樣食物最難忘? 其實係…泥蜢魚! 特別係泥蜢粥! 以前,海水污染情況未太嚴重…

以前的食物種類比較少,生活迫人,要求不高,沒想過吃‘漢堡包’,見都未見過,只有在‘芝麻街’節目中聽過…
更加從未吃過牛排、豬排、羊排…

粗糙的日子、但很難忘。

星期二, 12月 23, 2008

今年係乜年?

中國及日本分別有人用一個漢字去‘代表’這一年,以一個字去形容一年中感受得最深的事物丶而且是要具有代表性的,如果用一個漢字去形容個人的一年感受,似乎是件有趣的事情。
結果想來想去,似乎用一個字係冇法表達過去一年的感覺,因為有很多事情交雜著,想到的漢字實在太多:

「忙」、「窮」、「病」、「恐」、「淒」、「慘」、「呆」、「險」、「忍」、「頂」、「X」、「衰」、「勤」、「儉」、「冇」、「等」、「獄」、「攻」、「守」、「欠」、「憎」、「忘」、「煩」、「反」、「求」、「逃」、「空」、「惑」、「變」、「浮」、「浪」、「崖」」、「迷」…

如果有一個字可包含以上大部份的字義,係邊個字?

「瘋」、「蠢」、「死」、「濺」、「傻」、「癈」、「滅」、「嘔」、「唉」、「嗚」、「哇」、「吓」…

星期二, 12月 16, 2008

十二日的「總裁」

嗱、佢有乜最似、小人得志、無嚟實際巴巴閉、認輸唔認輸,不過都係要輸,走啦!害死D打工仔…

星期一, 12月 08, 2008

草頂屋



五箇山 的草頂屋除作為農民的住所房舍外,亦用作為商店及辦事處用途,其實感覺上已很現代化,與名信片中的觀感有點出入。

星期四, 12月 04, 2008

官獠禍港

關於最近政府對滯留在泰國港人的處理手法,深感失望及討厭,官獠主義、存在於各辦工室、管理架構當中…最浪費資源、人力及時間的惡法!無疑是弄權玩嘢、我無錯(從未…不會…點會…)、唔洗道謙、亦無責任…
管理概念中,有一句名言:「誰去管理那個管理別人的人?」

政府高官大概過慣咗犯錯唔洗死嘅貴族生活,今次居然與人民「作對」!話成件事係「政府」嘅決定!

這種壞腦言行,已先盡民心! 政府已後不用再考慮「民望」, 除非有大粒高官肯下台!

曾特首今次不如直接話要去「追求靈性」, 引退盡快消失!

星期六, 11月 29, 2008

五箇山的農民








這次 富山 之行,有機會到被列為「文化遺產」的 五箇山 一遊, 過往只在圖片上見過 五箇山 的草頂房舍, 我還以為草頂房子本身已是一件珍貴的「文物」… 原來它到現在仍然有人居住, 簡撲的山區農民依舊生活在這些停頓在時間洪流中的房子內。

其中一件旅居 富山 最難忘的事情是、農民用各種野菜所煮成的雜菜湯!當時聽聞佛法是暫住在講堂附近的房子內, 早餐由當地附近的農民布施,他們都是義務跑來工作的法友,在我們還未起床時就為我們預備了早餐!就像日本人經常說的:「真是感動!」。

早餐一點也不草率! 日本人的其中一項教養是:無論做大小的亊情,都要盡心盡力、認真地去做好! 所以我最喜歡的食物當中,日式早餐佔了一席位! 農民煮的早餐包括有: 富山米煮成的白飯、溫泉蛋、三杯醋(醋浸海帶、一小杯獨立包裝、是健康食品)、納豆、小魚乾、各種漬物、其中一種是菜心,不過比我們香港人吃的幼小、還有富有柿、最美味的還是雜菜湯!沒有加任何調味品,由各類野菜自然煮出來的甜味,只能用味覺感受,筆墨很難形容…更勝一般的麵豉湯!

早餐其實由簡單的食材組成,而富山出產的稻米是日本的頂級白米,不作外銷!富山到處的便利店都可買到溫泉蛋,每隻蛋都附有一小包透明橙黃色的醬汁,加入蛋內攪混一起進食十分美味… 總之在這片一望無際的田園中,可吃到最新鮮的食品,包括海產壽司等!

曾買過一包富山米回香港煮食,但可能水土不同,沒有在當地的質感及味道。

最後應感謝農民的勞苦耕種作業! 食物即使少少的一點亦不可以浪費。

星期三, 11月 26, 2008

富山的森林




這次沒有入住聽聞佛法時的宿舍「同朋之里」,擴建的工程仍在進行中,房舍的旁邊是山森,各種樹木昴然矗立著,而且生長得非常高大, 樹林的深處都是叢生的植物,看不到盡頭,我想起「風之谷」動畫內的原始森林。
人的生命跟這些樹木相比,短暫得如夢如幻。

星期日, 11月 23, 2008

早餐後的街道





到 富山 後的第一個早晨, 想著的是 富山米、納豆、小魚乾、煙三文魚…日式早餐的味道。

吃過酒店的自助早餐後, 就跑到街上找附近的便利店, 在 富山 的多為 LAWS0N 便利店, 便利店似乎提供了一種「安全感」, 因為店內可找到較便宜的生活必需品、 食物等, 或消磿一點點時間。 在鄉下地方沒有城市的壓迫感, 早上行人稀少,或機乎見不到一個路人, 只聼到交通燈號所發出的聲音, 由於是模彷雀鳥的叫聲, 所以有種優攸的氣氛。 日本的建築及空間利用跟香港不一樣, 在視覺上沒有像香港的呆板, 其實,建築外觀的設計,香港連 澳門 也追不上!

現代化的房舍中,夾雜着不少食店,大多數都保留着傳統的日式外貌, 店內的面積一般比香港的餐廳細小, 員工亦只有兩、三名,不過他們工作時卻很落力。

由於在香港「週圍都係人!」, 所以過一個寧靜的早晨似乎已是件遥遠的事情。

星期六, 11月 22, 2008

酒店窗外。晨曦




晨曦是七時三十分左右,我很喜歡這段時間,剛聽到小鳥鳴叫的時候。 雖然 富山 晚上氣溫降致十度以下,但仍然要把酒店的窗打開一點點…日本的室內暖氣很難忍受,已達至「悶熱」程度, 不明白日本人為何會比港人怕冷!至少全部入住的香港人都要開窗睡覺!

星期四, 11月 20, 2008

越後。即熱便當




從 上野 坐新幹綫到 富山, 途中要到一處叫 越後 的地方轉乘火車, 越後 是日本高僧 親鸞聖人 被流放的地區, 用作為流刑之地, 必定是荒涼偏辟之鄉。當然時到今日, 此地已被開發發展, 而且景色怡人。 04年11月從富山乘 火車到 越後 再轉往東京 , 很意外地發現窗外的紅黃秋葉山森忽然飛快地轉變成一片白色的雪境! 拍下了當天從火車窗外見到的景像, 白茫茫一片的山森, 漂下着細雪。
今次在 越後 轉車時有半小時食晚飯的機會, 在車站買了一個有趣的即熱便當, 碗底下有一條黃色的幼線, 用力拉出後, 便當的底部會自動發熱, 八分鐘後就可吃到熱的飯菜, 便當是牛肉飯, 跟母親分享了這份有趣的體驗。

星期三, 11月 12, 2008

離港




十一月六日離開了香港, 只記得前一天在 大快活 吃早餐時, 排在後面的陌生中年男子給了我一張特價巻, 說是多了出來而給我用的, 我懷疑地應對了一陣, 結果原來真是一個好心的人把自己擁有的跟別人分享…我反而存著懷疑之心…

第二天已在往 上野 途中的火車上, 車廂已變成了我的休息室及睡房的一部份。

星期一, 11月 03, 2008

龍蝦MAN


這是近期的插圖作品,是酒樓的宣傳設計,現在正印在某條路線的巴士上,但目前未有照片提供,這種有趣的設計較小見,亦要設計的人具備繪畫的觸覺。

星期二, 10月 28, 2008

Last X'mas


舊年這段時間, 接了這單Job, 係要畫人哋D口水風格,呢類畫法其實好易模彷,見得太多啦,電腦化後出咗好多‘縮骨’的美術風格~~~ 根本係‘默書’咁‘默’。

一年過去, 有甚麼籍得一記?我通常會找到一件特別的事情,把它當成是那一年的「主題」。

當然, 有悲亦有喜…

星期一, 10月 20, 2008

噪音及精神污染~~~無記八婆劇!


無賴電視又出絕技, 八婆罵街廢戲!剛回家門口就在螢光幕上就見到三條八婆嗌緊交! 口唔停咁, 見咁耐就嗌咁耐, 呢個大基構喺咪搵咗D基佬同八婆嚟做老勢、所以…

除噪音外, 「精神污染」係好籍得大家注意的環境問題,我有朋友係禁止在學的子女看這種劇集。

重有嗰位 ‘大班’, 都好唔得去邊, 我識得有幾位‘朋友’, 要強詞奪理, 損人利己時, 學足‘大班’個款, 扮足佢個咀臉, 原來為求公道的手法,被反用作欺壓別人的手段。

當然, 這幾位朋友,今天已不再是‘朋友’。

童年時, 家長反對小孩子看‘超人’, 話睇會‘壞腦’, 今天最污染人心及精神層面的…就是這類‘壞腦’八婆劇。

星期二, 10月 14, 2008

The World Is Not Enough



今日呢支歌係贈比‘雷曼契弟’ 班CEO聽嘅!

星期日, 10月 12, 2008

Shirley Manson 。Terminator T-1001



Shirley Manson 在 ‘ The World is Not Enough ’ MTV中飾演的女機械人實在係‘唯俏唯妙’, 結果現在真的出現在 Terminator: The Sarah Connor Chronicles中, 她扮演的形號是 T-1001~~~

這個場面是我看過的科幻片中最‘騎呢’的一幕…我諗係有人覺得女人做 CEO 持別‘剋人憎’卦?

想看這套劇集主要是因為有 Shirley Manson 。

Garbage。Shirley Manson



認識 Shirley Manson 是從一曲 ‘Milk’ 開始, 現在可在 Youtube 上找到她在 Garbage 中的許多舊作,這首 ‘Stupid Girl’就有著 Blondie 的影子。

Shirley 來自蘓格蘭,六歲開始彈琴,由於天生一頭紅髮及一對超巨大的眼睛,在學校中受到歧視及被滋事份子毆打,結果淪為問題少女,跟許多命運相同的人一樣,進入了表演事業,加入了 Garbage 成為了主音歌手,於九十年代走紅了一段日子, 更替 007 電影 ‘The World is Not Enough ’創作了主題曲, 而且MTV拍得十分有趣, 她演女機械人的形像十分特出。

聽 Garbage 的其中一個原因是因為 Shirley Manson 都是六十年代生的人。

Shirley Manson 出現在 FaceBook: http://www.new.facebook.com/pages/Shirley-Manson/27037696386

星期四, 10月 02, 2008

白兔糖


大白兔糖是童年時最喜歡的糖果, 它代表了過年過節時的喜悅。自從中國走向‘現代化’之後, 大白兔糖的需求有增無減, 因為可用零錢賣糖吃的人愈來愈多…直到今天, 它簡撲可愛的形像卻被愚蠢的商家及無能的監管制度所斷送, 為追求利益, 損人利己,從來是商家的慣用手段。
‘出面個個都係咁咖喇…’不知聽過多少篇這句話,都是出自各位 剋薄、縮骨老勢之口, 從次按危機到毒奶事件, 無不是從商貪慾所引致的災難。

曾有位為建築工人打官師的朋友告訴我: 「你以為邊個最無良? 無良顧主比古惑仔重無良!…」

大白兔糖 原來早在1943年出產, 厰商名叫「愛皮西糖果厰」,起初甚至用紅色米奇老鼠圖案包裝, 稱為‘ABC米老鼠糖’! 由於售價便宜而廣受國民歡迎,後來中國實行共產主義, 糖果厰被國有化,原來帶有‘祟洋媚外’色彩的米奇老鼠形像被改為現在的跳躍大白兔。

星期二, 9月 30, 2008

國無千載強


美國睇嚟就快會變成 超級弱國, 災難片的劇情好似愈睇愈真… 如果美國窮起上嚟、而且D國民個個有把槍…到時就真係要Escape from New York…
我閱報時經常睇到「經濟學人」這個字眼,由於係金融白痴,所以每次讀完後都不明不白、迷妄疑惑、似係…似係聽個白鴿眼嘅人喺度講緊嘢咁…

D經濟學家、係咪好威咖? 睇佢哋嗡乜先致知有冇飯食咖?係嘛?

手繪插畫




今晚跟 大泥 吃了一餐飯, 談到手繪插畫的話題,其實我現在已沒有作全手繪的作品,半手作的仍有,因為全手繪的插畫如踫上要修改的要求,是件不容易處理的事情,而且,點收錢至啱?

有幾多人今天仍依然保持著 ‘手繪 ’的工藝作品? 大泥 是其中之一, 香港缺乏了對藝術的教育,基本上教育的目的是:「職業先修訓練學校」,考取功名,搵多D錢,咁至有面、威、…
D補鑊天皇,保你D乜? 會唔會補番D銅臭上你D仔女塊面上呢?我聽過有位補鑊女天后話、要‘教定’D學生認識各種‘名牌’… 有冇人聽過…有美術科的補鑊天皇?

為甚麼今天及昨天的青少年都追看日本動漫畫、時裝潮流? 因為美術在別人的國家受到重視,從小培養這方面的修養…結果明顯地做成競爭距離,多少作為教育工作者能明白此點?

這是多年前替外文雜誌繪製的插畫,內容多為社會性及時事性的題材,這幾幅是較為滿意的作品,這種風格能出街是因為編輯及記者是外國人! 對美術的修養不一樣, 如果…換轉係位港人,作品唔會 出街! 只會 仆街!左改右改,巴乜閉閉…

不過,外國月亮不一定圓…在白人面前扮同類、同種、同宗,再向中國人扮白人嘅黃種中國人,更上一層褸!仆街中的超級無上極致仆街!

今天聽到兩位‘年青’的電子「正稿員」,高談闊論話:「而家重邊致有人用手起稿咖!乜都係用真相喇!要真!重邊有人搵手畫嘢咖!用哂電腦喇!唉!D人,重用番幾十年前嗰套…」

迷路…最重要係知道,自己係迷咗路…

星期二, 9月 23, 2008

小狐仙主題曲! 197X



係小狐仙主題曲… 其實‘小狐仙’係 迷你裙少女版 嘅‘多喇A夢’! 可惜原裝的劇集仍未在 Youtube 上出現? 多謝 zoundcracker post 這首珍品!

星期四, 9月 18, 2008

俺たちの旅。 前程錦繡



回到初中時…唔準穿闊腳褲、唔準穿大領裇衫、頭髪唔準留過耳仔、中村雅俊 是我們少年時代的「偶像」, 因為他代表着自由自在的生活, 有位同學重同我講:「將來如果好似 中村雅俊 咁, 做散工咪幾好…」。

這是當時的想法, 如果今日真係做緊「散工」…就真係…

星期一, 9月 08, 2008

自由黨玩完!

喏呀!大少同乜太從此消失!衆望所歸!

星期日, 9月 07, 2008

投票?

好老實講,投票?我從未投過喎… 公民責任? 睇吓D侯選人…人哋就唔得!自己乜都得? 大話連篇、吹水成性、死唔認錯、我哋「其實」做咗好多嘢喎?… 我根本唔知呢班人幾時講嘅係真話、幾時講嘅係廢話? 講真、邊個去盡‘公民責任’至喏呢?

有D人成日話要「普選」, 好似「普選」咗就乜掂哂咁? 實則奪權就放第一,民生唔知擺去邊? 有條友之前攪個「雙星報喜」‘你威定我威!’Show, 同特首打對台,扮哂人民代表咁, 成件事跟本就係呢條友或呢班友‘侯住’「特首」個位, ‘謀朝篡位’先至係佢地真正的「政綱」及目的! 呢D咁嘅嘢、喺辦公室日日都發生,只不過放大咗變政冶版啫! 跟本睇吓你D眉頭眼額都知你係乜料… 有位四萬太、遊行途中…居然去咗「恤髮」! 佢一定係關心緊自己嘅天敵嗰把掃把殺氣頭定啦… 真係…選妳個頭咩? 有位大少,個車位租金欠咗成年以上都冇交,年年都話唔好加人工, 佢個党洗政府錢攪到唔清唔楚…聽聞話佢喜歡足球,有次重見佢做選美評判tim!,打工仔、你死你事囉,咪嚟煩住我‘睇波’。

投票日的一個比較貼題及真實嘅講法其實係~~~「水鬼升仙吹水Show」。

放眼世界,所有政客s,上咗位就係神仙,所以覇到個位就想過神仙嘅生活、睇吓‘民主’嘅台灣,「選」咗個成家都想升仙嘅「搶錢家族」! 美國就選錯咗個「國際恐佈份…」,不過佢而家應該掛住幫個女去搵個游水附馬多D…

童年時真的以為美國真係‘正義’嘅朋友…但世界變幻無常, 現在冶理國家有力的領就似乎係 俄羅斯 的 普京, 論才幹及‘個人魁力’均佔上風, 中國在災難應變及奧運上的表現可能令西方國家暗地裏吃驚…

民主制度係避免像 希特拉 之類嘅人物登場,以單一的想法製造災難,可惜現今天看見的世情, 良好的制度亦會被品格低劣的政客所汚染, 或者世界正走向像過往科幻電影及小說中的題材一樣:未來是一個獨裁世界…因為人沒有在自由中去自律!

環顧舉世的政客、大多數落台時都‘衰收尾’,醜聞、貪污及桃色事件更不在話下、他們在選舉時都大吹特吹、救世者咁款、獲選時跟步下權力舞台時的一刻、是如何一種心情?

爭到了名譽及地位之時,同時亦步向被支持者唾棄的未來…自己變成今日的攻擊目標同一樣的人,政客在名譽及權力慾中不斷他地輪迴。

星期六, 9月 06, 2008

海邊的餐廳


這是幾年前製作的CG作品,它是用在一隻兒童CD R0M 遊戲中的setting, 我喜愛海邊的建築, 全投射在這幅畫面上。

這隻在非常蠢的管理下完成的產品, 根本起不了商業的價值…

由打工漸變成自己經營業務,得出一個定律, 「盡快從犯錯中改正過來。」 每日都有高級的員工去訓示及責備犯錯的下屬, 似平打工仔以不犯錯才能提高生存的機會率? 事實上,任何人都會不斷下犯錯誤、唔記得咗嘢、計錯數、吞pop、打蓋睡、騰雞、唔知D Fi1e擺喺邊? 趕唔切Deadline、亂七人八糟、冇可能達到的Schedule …

話自己係「無錯」嘅人,九成九係暗啞底且哀得最多,而智力亦唔慌高得去邊…

要創製高品質的產品,會遇到不同層面的標準,要達標,好多時在這一點上, 「古惑」跟「聰明」就會出現分水嶺, 狗口真係長不出象牙, 擁有高品質的視野,做高檔的產品, 管理,判斷力,用人,眼光,心胸…對一個「老勢」而言,有着很多很多的要求。

釋迦牟尼佛說:「有無同然」。 打工及老勢各有其痛苦,無論所擁有的多或少。

留著這件 海邊餐廳 的用品, 想是追求面子及意氣的人所無法創造的內心境物。

星期六, 8月 30, 2008

Don't Stop Me Now 。 Queen



今天跟觀塘lVE的學生合作進行一個關於音樂的project, 現在的年青人跟自己聽的音樂及歌曲一定有分別,不同的時代, 不同的情懷, 似乎大部份學生共同的喜好就是Rock, 作為project的reseach,這天在Youtube上聼了很多歌,由六十年代後期至八十年代的流行曲, 當會議完結時,我問今天那一首歌印像最深?

原來是這首,完全沒有「代溝」,超越了年齡界限的長青作品, Queen 的 Don't Stop Me Now!

通常大家聽到的都是‘We will Rock you’及 奧運 經常播放的‘We are the Champion’

Queen的歌曲還有更多、更多…

星期四, 8月 28, 2008

Crop Circles 之謎



近日要揾D UF0 嘅資料, 發現咗呢條片… 又係嗰D鬼鬼祟祟嘅Crop Circles? 有人認為係‘外星人’嘅杰作, 目的係話比地球人知, 佢哋實在係‘存在’嘅…

但係…點解用埋D咁义鬼祟同類似惡作劇嘅方法呢? 點解唔光明正大喺各國 國際機場 登陸,再經海關辦理入境手續,然後開個記者召待會,不過~~~如使用地球人的設備或食宿,均一律要收費!

其實我一向覺得 Crop Circles 似係人為的成份高D, 你睇D形狀構圖,似美術插畫多D喎… 而且D內容好「人類」feel, 有人認為天上的人造衛星,有部份已裝有先進的光學武器? 這類奇怪的事情起因、有可能係某國正在試驗的神秘武器? 因為經常有牛羊被不知名方法取去內臟的報道, 而且傷口切割得非常完整,沒有血?懷疑係用光學工具進行…

比外 Crop Circles 經常提及一個MAYA月暦,話2010年係世界未日? 係真唔係呀?西班牙人登陸美洲,首先發現MAYA 遺跡, 隨軍的傳教士認為MAYA壁畫上的文字係邪教的經文,因而野蠻地加以破壞! 所以能解讀MAYA文字嘅人唔知去邊處揾? 曾讀過MAYA月暦嘅文章! 識解話嗰個原來係個南美「巫師」! 咁你信定唔信好…

Crop Circles 被發現的地方較偏遠, 而且亦非世界性,至少目前新界未有發現… 我估係某些人在試驗一些先進的發明。

十九世紀時,氣球飛船未面世前幾年,已有人報稱看見天空中有「飛行物體」,所形容的外形與飛船十分吻合、而且更有「人」走落嚟問人攞水飲! 事實「飛船」比我們所知的、更早已被「發明」出嚟!而且試驗飛行咗一段頗長的時間。

星期一, 8月 25, 2008

最精彩難忘的奧運!







北京奧運 是我看過最難忘最精彩的奧運! 每天都見到中國運動員奪取金牌! 最緊張還是排球及籃球的賽事, 過去多屆的奧運都未試過有追看的心, 這十六天真是一個盛大的興典, 十分難忘。

閉落禮最感動的場面係全世界各國的運動員步入鳥巢的時刻, 全人類難得有和平共處的一個晚上!中國的表現實在令世人挖目! 北京奧運是中國歴史上一記的大事, 影響必定深遠…

咀多多嘅西方大國應知道即使泡製‘金融風暴’及 種種政治是非, 都難以阻止廿一世紀成為‘亞洲世紀’, 西方某些人基於過往歐洲對亞洲的稙民統治歴史,深恐強大的亞洲會反撲向西方進行‘報復’。

新聞話 北京奧運 令中國人的‘民族自卑感’減退, 當中國人重拾自信之時, 亦同時會令扮慣大佬嘅別國產生起‘民族自卑感’… 美國話佢哋先致係最威! ‘獎牌’攞得最多… 在任期間極力想把日本 罷脫成為AV大國、而進身成為真正‘大國’的前日本首相 小泉純一郎, 應該今年死都唔會睇奧運…改去拜 靖國神社 或睇吓四仔, 諗吓有乜係中國做唔到嘅呢?…

星期四, 8月 21, 2008

脫牙

昨天脫了一隻大牙, 蛀牙已蛀了一段日子,甚至痛到午夜時醒了過來! 牙脫了後、我對醫生話想睇吓隻牙,醫生有點意外地問:「你想睇吓?」, 可能多數人唔會睇掛?

脫下了的大牙十分凄慘, 都真係幾核突咁… 當時覺得…都幾討厭…

今天想想, 大牙原來伴著我都幾十年啦! 它最後的樣子雖然難睇D…但仍然係最忠心的朋友, 抗蛀到底, 支持到最後一刻…

原來我應對大牙致敬。

星期日, 8月 17, 2008

病的日子

上星期就病倒了, 吃了一些似乎效力不達的藥, 總之做不到任何事情, 但又沒法休息,挨了三天後轉醫生, 結果好了一點,能躺下來休息, 在躺著沒事情做的時侯,我有一個習慣,就是看一些沒頭沒腦的書,書的size亦相對是一隻手可提著的…今次看的是 衛斯理 的 「廢墟」,已忘記了之前有沒有看過…讓大腦「休息」的其中一個方法, 是「逃進」一個超現實的世界中, 煩惱跟隨人的人生,如何「處理」它…實在考智慧。

很難得 倪匡 先生認真地去寫一些被一般人認為無聊怪異的事物。

星期六, 8月 09, 2008

深海尋人。港式PIZZA




香港一般吃到的Pizza,係全世界起用最多配料的港式「意大利」食品,總之乜都落齊就實行賣得,呢種係香港人發自內心的「貪」, 又例如街上的廟宇,裡面通常都係滿天神佛,有拜錯冇放過咁,而基督教及天主教最初傳入香港時,港人的反應係…不如把十字架同聖母像都擺埋入間廟度一齊拜吖…童年時睇 東方庸 畫嘅漫畫, 直係乜都出齊,由各種美國漫畫英雄至日本各式超人,大家「炒埋一大碟」… 不過,我們都好接受這種混雜的文化現像。

「深海尋人」係一部有水準的港產電影, 早前友人 大泥 推介過,但上畫時冇時間睇, 上星期買到新推出的VCD, 觀看時都有D毛管動… 徐克先生可能發現到自己的真正的「強項」,原來係…拍「鬼」片,而非先前的各式「武俠片」…

有潛水場面的戲我都喜歡睇,少年時代睇的「深、深、深」The Deep 是我的最愛, 法國電影「The Big Blue」內的潛水戲亦好難忘, 大海是優美夾雜著神袐及危險的世界, 一個最能讓人發揮想像力的舞台。

「深海尋人」的故事編排有著叫人追著看下去的劇力, 最後係出「估你唔到…」一召, 但我覺得後尾加多咗D嘢,幾乎攪到「喜劇收場」……橫掂都係有「鬼」咯,…加埋D「人鬼情未了」落去先,…送嘅!…買一送一…抵睇!…睇一套戲等於睇咗成三套…呢D…似唔似係黃百鳴嘅idea…點解?

如果有人鐘意「深海尋人」,請睇番D「元祖」嘅杰作。好耤得推介!

2001年由 大衛連治 導演的 Mulholland Dr, 非常迷幻的作品! 就像墮進了別人的夢境中…
http://movies.msn.com/movies/movie/mulholland-dr/

2005年的 Stay ,有些少前者的口水,但依然十分精彩,男主角是 Ewan McGregor, 我 很喜歡這部電影及男女主角。
http://movies.msn.com/movies/movie/stay/

以上兩片的女主角都是Naomi Watts,她演 Mulholland Dr 時受到注目, 直到演 King Kong 時走紅, 後來我在電影資料中找到她原來在 Tank Girl 中飾演 Jet Girl的角色! 當時就覺得…咦!靚女過個女主角好多喎! Tank Girl 似乎是一部被「遺忘」了的電影, 但可看到初出道時的 Naomi Watts 樣子。

星期一, 7月 28, 2008

工潮

早就知遲早香港會出現工潮!香港員工加班時間全世界最長…假期呢?不如扣埋去囉、老勢!

全球一體化令窮的國家有得食? 最著數除咗D商家減低成本賺得更多,你話加人工,佢話向D唔知乜义股東去「交代」? 你唔做?搵D再平D去做…

曾有位外籍同事跟我說,他當時正在看一本由意大利出版的反對全球一體化書籍,他說內容提及到美國有企業運用基因技術把某些種子改造,被改造後的種子被種殖後只能收成一次,而農民再想有收成,就得再向企業「購買」種子!而該企業,更把這些種子名為‘Terminator’!

對於資本主義走到極端時, 所產生出來的問題,我們知道的可能太少,以為‘民主大國’係效法的對像,可能係睇得荷李活電影太多的幻覺?

星期日, 7月 27, 2008

男女厠?

上星期五到尖沙咀「翠華茶餐廳」飲嘢…之前已聽聞過男女混合厠的怪異傳說…原來…個厠所係咁嘅…先會見到一隻鐵門,上面有左男右女的厠牌,一打開門,發現出現在右眼角的是三格上面掛著紅色女厠標記的分格厠所,左面有一排洗手盆,沒看楚正在洗手的男或女、馬上關門退後睇睇!再看看掛在門上的厠所標記,左男右女…???心諗:「真係白XYQ~~xx痴!!!」,跟住走去問吓D餐廳侍應…佢話:「係、係、入去啦!直入!係男厠嚟嘅!」,原來開門入去之後,經過左面三格女厠及正在右面洗手的女人後,正面是一隻掛着男厠標記的門!再開門入去,先至係正式嘅男厠!

呢種咁經典嘅建築設計,應該放埋去法國「羅浮宮」至啱! 港式茶餐廰、邊至玩得起咖!

星期日, 7月 13, 2008

鉄皮地球先鋒號







這是我的參展作品, 在很短的時間內完成, 當然,應感謝各友好的幫忙! 地球先鋒號是六十年代華人圈子內十分流行的漫畫,童年時坐在街邊理髮店看的「公仔書」, 它是我們的文化一部份,以前,被稱為「文化」的事情應是一種「能登大雅之堂」的事物。時代轉變…高尚的、是否真的是很風雅?

星期五, 7月 11, 2008

Hong Kong International Licensing Show 2008







香港國際專利授權展 Hong Kong International Licensing Show 2008 於上星期在會展舉行, 這個展覧的對像是海外的買家, 所以沒有對本地作宣傳, 知道的朋友亦不多。
六月四日收到TDC的通知才知道有一個‘香港原創人物館’ Hong Kong Character Hall的展覧, 於是趕製出三件作品, 幸得老友幫忙, 在 深圳 找到可信任的手辨工場, 完成了製作, 由想像直到一件東西成形出現在我們的現實世界中, 需要許多準確的計算及跟進, 有時聽到別人說, 完成一件個人作品就像生育自己的孩子、或者是像對侍自己的愛侶一樣…很奇怪…我從來沒有這個感覺!
有冇聽過‘生仔唔知仔心肝? ’劉美君女仕曾唱過:‘以後未來,像個謎…’。
如果要製作一件作品、完成後還會出現很多變數? 除非這是要表現主題, 否則會出現質量控製的問題?
我覺得完成一件作品較像 軍事行動,明確的目標、正確的戰術、精良的武器及操作技巧、專門兵種的運用、 還有完成任務的意志及士氣、 如果加上擁有靈活運用武器特性的能力, 以寡敵衆亦有取勝的可能…
別人說的感受是如何如何…往往要親身投入、經歷、才會了解、做過致知、吹水無效。

當日的 香港國際專利授權展 開幕時攪吓氣氛,有多位熟識的人物登場,最難得係見到 咸蛋超人、Mr Bean、花師奶、麥嘜、龍珠等共冶一爐。