Silky Oaks

這是我發白日夢時經常會到的地方, 能夠離開繁忙的生活, 到大自然去…住樹屋酒店…
( 去呢D地方會唔會水土不服呢? …有冇八足、蜘蛛、毒蛇同房呢? )

http://www.silkyoakslodge.com.au/

太陽倒數

看「太陽倒數」是因為由Danny Boyle 導演, 94年看過他執導的‘Shallow Grave’, 很喜歡故事中表現的真實人性- 自私及貪慾, 果然Danny Boyle 憑此片走紅, 而主角Ewan McGregor 更成為新寵, 之後看的是96年上映的Trainspotting, 看的時候有如置身在惡夢中! 2000年的‘The Beach’是我最喜愛的電影之一!非常可惜投誠美國後不能用Ewan McGregor 做主角,要改用Leonardo Dicaprio,而主角亦燮成了美國人!
Danny Boyle 的電影中表現出陰暗的人心,我們人本身就不是善類…
03年睇過 '28 Days Later', 覺得麻麻地,好似開唔正佢嗰辨咁,同埋D喪屍好鬼死‘偷雞’…
看「太陽倒數」其實不作任何期望,只希望不要太差, 果然…個故仔熟口熟面,觀衆料事如神嗰隻…總之…乜料都有,成碟 褔建炒飯 咁!
有超巨形太空船、黑嗎嗎嘅場景、唔聽話嘅電腦、講嘢時例係女聲、中途例有特變、例有失踪太空船出現,例要入去揾嘢、隻隻都好大塵嘅、發現狀似話梅嘅乾屍、全部船員例係死哂、例見到死前錄影片段、隨之船身無LaLa出事、全員例係大騰雞、一定有一個大騰雞嘅女船員、震騰騰咁猛咁噤制、接駁通道大失靈、要夾硬‘飛’返過母船、例有條友唔好彩,飛咗出太空,重要揰甩吓D手手腳腳至安樂、未來D太空船都裝上唔合規格嘅電腦、蠢過我而家用緊呢部、例係陰陰濕濕咁嘅樣、跟住D船員逐個逐個以唔同嘅方式歸西、博老命喺條長走廊處走呀走、又開閘時又關閘…直到最後死剩一個、再無止境地輪迴79年嘅「異形」結局…
呢D劇本唔洗識都會寫, 例湯一大大碗, 幾時先至有創新嘅科幻題材呢?
難怪要拍「超時空要塞」、「銃夢」、我懷疑會拍埋「Ghost in the Shell」、「天空之城」、最好拍「高納的未來世界」…

漫畫之寶

阿寶!這個名字令我想起第一輯的「機動戰士GUNDAM」,而我認識的阿寶,就真是‘漫畫之寶’,這樣說沒有錯罷!
從去年開始研製漫畫的事宜時認識了阿寶,是felix的舊同事,阿寶的腦部儲存了整個本土的漫畫發展史,他應該可到達著書立說的地步!
童年時看的漫畫有 許冠文、黃鷹、東方庸、黃澤、王司馬等本地作者,間中亦有捧場的是 黃玉郎 的「小魔神」,後來出現了以藍油墨印制的日本漫畫, 這種藍油墨其實是印刷厰在正式進行印刷前的試版,因較便宜而用來印漫畫!
印像中有 手塚 的「小飛俠」,橫山光輝的 「巨無覇」(鉄人28號),望月三起也的「密探AJ」,「七金剛」, 水木茂的「鬼太郎」,007… 直到小學畢業時的 石森章太郎 及 永井豪…
上中學後興趣轉移到軍事模型, 闊別了漫畫一段頗長的日字子,重恰日本漫畫的興趣是看到 木娍幸人 的「銃夢」,在此之前,其實看了不少 HEAVY METAL,可借到八十年代尾已失去了原有的迷幻前衛色彩,變成了平庸的漫畫作品。
由於要「研製」較具特色的漫畫風格,所以阿寶多年來對漫畫的閱歴及認識,實在給了我很大的幫忙及啟發,除阿寶外,身邊的朋友中根本找不到這樣投入於漫畫創作世界的人,同仁誌亦是阿寶經年醉心的事情,多年來都熱血地追尋著同一的趣興事業,現在已很難得,許多人的夢想大志終會一天被現實磨平…
在漫長的路走着、走着,像 德川家康所說:「人生就像背負着重擔走很遠的路…」請多多指教,同行往目標努力!

阿寶的Blog,喜愛漫畫的朋友必看:
http://tw.myblog.yahoo.com/lemon_po_tse/
[Lemon_Po@Windmills.Yahoo]
http://lemonpo.blogspot.com/
[Lemon_Po@Windmills]

HER0ES

在邊看邊做著其他事情時看了兩集HER0ES!發覺無法定下神來看,應是劇情不太吸引吧,總覺得是套口水尾版X-MAN! 劇中展示的人類超能力亳無新意,我其實覺得好幼稚…似自己讀小學時所想像的東西…
最令我失去欣賞的興趣,或者說‘無瘾’之極的原因,就是那個日籍‘HER0’演員-Masi Oka! 好明顯這個角色係美國佬想踩吓D日本人,當佢哋係白痴仔! 演員所講的「日語」連未學過日本話的人都聽得出唔似「日文」,而且兩個日本人的角色動作表情太誇張,得個作狀! 我睇見就笑唔出…
這類西方人眼中的「東方面孔」…通常在「東方」係企埋一邊的角色,加上為討好西方人而作的表情…真係…完全頂佢唔順, 轉台拜拜! 唔想見到一塊發水陳水扁的臉!

蓮香酒樓。

初到社會做事時身處中環,時常經過「蓮香酒樓」,到那裡吃飯飲茶的次數不多, 但它總會是出現在自己的「眼角」內似的, 童年時住在土瓜灣,經常到類似的舊式酒褸飲茶, 印像最深及現在已遺失已了的一樣東西: 那些以紅色燈胆作眼的金色龍鳳!
沒有龍鳳柱, 根本不成「真正」的酒樓, 現在這種古舊「設計」其實係一個賣點…