星期一, 10月 15, 2007

Land Of The Giants 1968-1970








Land Of The Giants 在香港上映時好似叫做「地球歴險記」, 故事係講1983年一艘太空船意外闖入一個巨人世界,這個「世界」的人比人類大二十部、外表一模一樣、講嘅係英文、科技‘落後’於當時的「人類」五十年、由獨裁政府統治,故事中沒有詳述更多的背景, 只集中在一班乘客如何在此世界求生歴險的故事, Land Of The Giants 最有趣的還是那些放大了二十部的佈景, 各演員背著一隻巨大的扣針逃避著‘巨人’的追捕、被巨形‘膠紙’貼在枱上、但我忘記了故事中有沒有交待他們到底是「吃」甚麼的?
Land Of The Giants 在當時的製作費是每集 250,000 US$ 美元! 創下了紀錄,而各演員亦賣力地作出各種近乎「特技人」的動作!如爬繩索、跳上跳落、狂奔…

在YouTube上可重看首集,快D去睇吓啦!

有關 Land Of The Giants 的綱趾: http://www.answers.com/topic/land-of-the-giants

3 則留言:

Gwai 說...

Wow...呢套巨人片亦係經典。
不過說來奇怪,六七十年代的西方片集似乎都係爛尾收場,即係香港播播下就終斷。到底係香港電視台無錢,抑或收視不濟所以停買停播,甚或西方彼邦制作公司停拍,不得而知。總知忽然爛尾,真係好傷小朋友既感情呢。Land of the Giants 無結局,劇中人物生死未卜。有頭無尾的還有「時光隧道」(Time Tunnel,主角阿德和東尼)、「侵略者」(The invaders,主角大衛雲遜,外星人的手指尾不能屈曲...)等。「太空怪客」算否爛尾?
一時也想不起其他爛尾片了。

日本片集通常都有大結局。
可借我不懂日文,版主可記得以下的日本片集?未知日文YouTube 有否。
日本武俠片,女主角叫紅花女,每次開殺界前必先切斷手中提琴的三條弦線。
日本武俠片,男主角叫獨眼豹,以捕獵罪犯拿取賞金為生。
地球保衛戰:科幻神怪片,當年是伴著吉田超人在無線輪流播放。
小仙女(?):片頭有卡通和真人合拍。女主角穿迷你裙,娃娃臉,幾靚女,好似係犯了天條被打落凡間,懂魔法,在有兩個頑皮男孩的凡人家中當女僕(補習老師?)。有點像叮噹的真人版。
還有很多,講唔完。

西片可記得「艷尼傳」(The Flying nun)?「鼠縱隊」 (The Rat Patrol)?
「合家歡」?不知英文名,找亦無從。

版主的懷舊一流!
尤其見翻本土漫畫「地球先鋒號」一篇,我直頭觸動得想喊!

wong kenny 說...

你講嘅「小仙女」應該係「小狐仙」,由 新騰惠美 主演, 暫時搵唔到,不過好多同年代的朋友都好想睇番,包括我在內!
我已唔記得D片集有冇爛尾, Land of the Giants 有出DVD,我諗會有結局,其實好多美國片集都想留條尾拍續集,好似「星空奇遇」咁就拍咗幾十年!
細路仔時覺得 Land Of The Giants 幾緊張,見到放大哂嘅佈景好得意! 「大空怪客」在當時對於我嚟講、基本上係唔知佢嗡乜?
有部份你講嘅片集已揾到,想再搵多D資料先post上Blog,等多陣、等等!:D
有D因為唔知原劇名,要花D時間搜尋…

「地球先鋒號」!好想睇番呢? 六、七十年代的珍貴回憶!

gwai 說...

呵,原來係新騰惠美!諗番佢個樣現在我又好似有點印象了。
講番「地球保衛戰」,隻名堂響噹噹嘅食錢怪好似就係係呢套片集內首次登場…定係「小孤仙」內呢…?

我覺得「星空奇遇」無爛尾。
小弟睇法,爛尾指劇情係第一集 present 咗個 problem or issue,例如「時光隧道」的阿德同東尼跌落時光隧道中,他倆努力重回現實,大結局就要交待成功與否;「侵略者」中大衛發現外星人入侵,大結局就要交待呢個計劃是否被粉碎;「太空怪客」對抗某群外星人侵略,結局就要表明誰勝誰負,抑或諦結和約。但以上三套片都係無端端終止,無晒下文。又,依版主提供嘅 answer.com 網頁,內文提到Land of the Giants 似乎都係無結局。網頁執筆者都係斷估主角的太空船毀壞嚴重,無可能重返地球。

講開「太空怪客」,如版主所言,套片真係好前衛。一來特技超晒班;二來衣著又係最摩登,前凸後凸。女性鏡頭前除衫剝褲露胸圍,我果陣細路仔睇到面都紅,覺得套片好鹹濕,幾驚阿媽投訴兼熄電視。哈哈哈。

鍾意前期的「地球先鋒號」,公仔畫得乾淨;後期畫得潦草,唔鍾意,而且行文有時用詞稍深,無再睇。依版主所說,原來換咗畫師,怪不得。

有勞版主繼續搵料懷舊。我等等等。謝呵!
(P.S. 我又突然醒起有套西片「神偷諜影」…)