星期六, 3月 24, 2007

親戚。 小玩意

多年未有見面的親戚在上星期擺了一個小壽宴, 陪同母親見見幾位長輩, 見到十多嵗嘅少年晚輩, 跟本大家都不知道應該甚樣稱呼對方, 現在D人已習慣了叫對方英文名, 我妹夫嘅家姐就嚴禁我妺妺叫她做‘大姑奶’! 我哋香港人真好想把祖先的農民、漁民等身份洗擦掉…

見到各表姊妺兄弟, 就想起童年時過年的氣氛, 比現在不知開心幾多, 在唐樓嘅家中全家上下用麺粉做 油角仔, 放到油鑊中去炸, 我間中會用麵粉搓成 咸蛋超人及各種怪獸擺埋落去炸, 拜年時見到各舅父阿姨, 表哥、表弟、表姐、表妹, 就知道是遊戲及玩具時間…
有一年從表姊妹中得到一件好有趣的小玩具, 我想是六十年代的後期, 是一隻依靠一粒小膠珠作重量拖動行走的小膠馬, 身長吋半左右, 依記憶把它畫了下來…

很多長輩都不明白我們為甚麼要改英文名? …其實…我哋嘅傳統一向原來係唔叫人哋個真名, 以下是童年時聽到各親戚叫對方的「稱號」:

「火金姑 」、 「金妺姑」 (妹音昧) 「Bike手嫂」「朱淚E」 (朱女姨)「阿豆椒」「麻包雄」 (?)、 「牛奶仔」 (因生得白淨)「豬油仔」 (因生得肥仔) 、「花旗佬」 (因生得高大, 似「鬼佬」, 以前D人叫美國人做‘花旗佬,) 、「陳狗仔」 (?)、重有人叫「揸屎」! , 嗰陣去飲D親戚真係大大聲噉叫, 直頭係若無其事咁! 如果今日比人叫個咁嘅名, 係咪死先! 所以後嚟D人叫哂英文名, 可能有咁嘅原因!

6 則留言:

felixip 說...

我阿爸阿媽班朋友一樣很搞鬼.到現還是這樣互相稱呼.
「嗅冷」性格火爆、「美人」其實樣子很醜、「得哥」有求必應、「奶娘」因胸部大、「肥三」兄弟中排第三又最肥... 全都很有趣

Wong Kenny 說...

我自已己就真係好彩,個乳名就咁叫‘洪仔,
有個長輩個名居然叫‘啫頭’! 跟本十分不雅同出唔到街咖!

匿名 說...

~____~唔係呀ma.....咁有冇人知點解..真係點出街呢..@w@

miumiu

廣明 說...

哈...幸好我沒有這樣的花名,有時這些名稱是別人幫你改,口是他們的,我們都沒有法子。

對,旺角新世紀遲點有一個舊玩具展哦,你應該收到風聲吧?

Wong Kenny 說...

Miumiu,廣明,
以前D人改埋D好奇怪嘅名,有D係迷信如果直接叫真名個細路會長唔大!所以叫得愈粗俗,愈騎呢,生在率就愈高!

喂!你記得通知我,我收唔到風喎!

匿名 說...

v__v唔...咁我明白LA..我會原諒果D叫我肥 MIU GE人GA LA~HAHAHHA~XD

miumiu