星期二, 9月 30, 2008

手繪插畫




今晚跟 大泥 吃了一餐飯, 談到手繪插畫的話題,其實我現在已沒有作全手繪的作品,半手作的仍有,因為全手繪的插畫如踫上要修改的要求,是件不容易處理的事情,而且,點收錢至啱?

有幾多人今天仍依然保持著 ‘手繪 ’的工藝作品? 大泥 是其中之一, 香港缺乏了對藝術的教育,基本上教育的目的是:「職業先修訓練學校」,考取功名,搵多D錢,咁至有面、威、…
D補鑊天皇,保你D乜? 會唔會補番D銅臭上你D仔女塊面上呢?我聽過有位補鑊女天后話、要‘教定’D學生認識各種‘名牌’… 有冇人聽過…有美術科的補鑊天皇?

為甚麼今天及昨天的青少年都追看日本動漫畫、時裝潮流? 因為美術在別人的國家受到重視,從小培養這方面的修養…結果明顯地做成競爭距離,多少作為教育工作者能明白此點?

這是多年前替外文雜誌繪製的插畫,內容多為社會性及時事性的題材,這幾幅是較為滿意的作品,這種風格能出街是因為編輯及記者是外國人! 對美術的修養不一樣, 如果…換轉係位港人,作品唔會 出街! 只會 仆街!左改右改,巴乜閉閉…

不過,外國月亮不一定圓…在白人面前扮同類、同種、同宗,再向中國人扮白人嘅黃種中國人,更上一層褸!仆街中的超級無上極致仆街!

今天聽到兩位‘年青’的電子「正稿員」,高談闊論話:「而家重邊致有人用手起稿咖!乜都係用真相喇!要真!重邊有人搵手畫嘢咖!用哂電腦喇!唉!D人,重用番幾十年前嗰套…」

迷路…最重要係知道,自己係迷咗路…

2 則留言:

匿名 說...

咦?我重係搵紙筆起稿,連Storyboard都係響紙上面畫好,OK左至做animatic。
不但,我本人覺得重用手畫野o既人其實重有好多,就日本漫畫及卡通工業裏我至尊敬的一個,去下三鷹的展館睇下啦!老人家用水彩畫設定,利害!
好像我公司裏一些所謂平面設計師,工作上只需將東西搬左搬右,放大縮細之類的動作,要佢自已起layout就知道斤兩,比埋參考相片一樣畫唔到出尼,構圖色彩錯晒,連字體都唔識簡。雖然如此,但係每日穿著就出奇古怪,依家興Cosplay,扮下藝術家掛。

Man Tam

Wong Kenny 說...

日本人本身的文化係崇拜武力、武士,所以實行軍隊式的管理, 我目前到日本聼佛法,發覺管理一個團體的方式是採用軍隊式的架構,上司是「命令」下屬去做事,紀律及秩序非常嚴格,細心地安排一日的行事,例如:早上起床要在十五分鐘內穿好工作上的衣服,沖涼時間小心地分配好,不可超時,否則使其他人不便會被責備, 總之係一支軍隊。
我們香港人係無法採用,因為他們自小己是這樣,所以工作成果不一樣。
你所講個種人叫做:買得細又巴閉…唔識都係叻過你…