星期六, 1月 13, 2007

CENTURION MK5/1 越戰「百夫長」戰車




模型界友人KURTlS早上致電, 今天原本有一個「模型座談會」舉行, 但有工作在手不能參加, 已好耐冇參與過模型活動啦, 難得仍然有一大班如此熱情的人!
迷上軍事模型是在讀小學六年級的時候, 當時滿腦子是「鉄甲萬能俠」、「三一萬能俠」、「幪面超人」、「巴別二世」、「小露寶」…
後來有位同學某日從書包中拿出一個‘方世玉’人形, 是他的哥哥用1:35的田宮模型兵改造而成的, 手工精細, 係天才兒童的傑作, 我還記得那條用黑線做成的辮, 我好想知道如何製作這類模型? 接下來是前面那位同學, 我重記得佢個名叫鍾添恒, 佢帶咗架1:35嘅美軍Jeep比我睇, 重有幾個美軍人形, 我當時覺得好過癮, 之後更放棄先前的人形改造念頭, 我對軍事模型的興趣就在那刻開始…
每日放學後, 一班同學從衛理道的小學跑到太平道, 看「環球模型」的厨窗、對用AlRFlX1:32 士兵製作的北非情景祖合非常著迷, 探訪完環球後再跑到「千里達」模型店… 我第一盒軍事模型係在「康田」模型店買的, 我當時乜都唔識, 指着厨窗的完成品問店主: 「我想要呢架, 有冇呀?」我指過三號突擊炮及M113, 其實我唔知係乜車, 但覺得上面座著一班士兵十分之過癮, 因為嗰陣年紀小, 而且問得太過天真, 跟着店主用誇張嘅語氣對我話:「嗰架、好貴個喎…」不知甚樣, 後來我被店主「推介」買咗架西德豹形戰車番屋企, 重將佢放埋落支3.7cm反坦克炮一齊, 後來知道原來唔係二次大戰時的德國戰車, 感到好失望…
從無知到認識, 那種驁喜興奮的心情現在已失了, 而家買模型只會看啤製技術, 那種發現新事物、新天地的內心感覺已在嵗月中漂走了。
很想完成這輛百夫長戰車, 這是目前的完成狀態, 其實這盒模型有不少要修正的地方, 甚至說明書及倍件位置都出錯, 但它依然是具有水準之作。
越戰曾是我最喜愛的題材之一, 目前最想製作的是北非戰場及東部戰線…
我偏愛蘓聯戰車, 期望有新的T-34∕76、 正確尺吋的JS重戰車系列, 最、最期侍, 靚版KV-85!
希望下次有時間可到真人Show吹吓水…

10 則留言:

匿名 說...

似乎你還有很多珍藏呢...

我砌模型的蔩金期是在初中,第一代高達興起的年代.
軍事模型看多過砌. 但是也是例必要自己改造一輪...

匿名 說...

老兄, 我是 Alex, 見你的 blog 上寫的也許是很多模型人的寫照. 關於題材北非是我很喜歡的, 希望第2時大家可以多多交流啦

匿名 說...

Hi Kenny,

This is testing. Hope to see your 百夫長完成

Kurtis

匿名 說...

Hi Kenny,

Me again ! 我已把你的blog連接到Panzer Fans Forum,希望和大家一起分享你出色的畫作及懷舊模型

Kurtis

Wong Kenny 說...

Hi,Felix,架百夫長戰車係最新的台灣產品,軍事模由於照真嘢做,所以好多時限於製模技術,好多位根本做唔到,要人手加工… 班模型界朋友亦有高達Fans,透過Blog大家可以交流一下,砌模型對我嚟講可以減壓,忙的時間多,完成嘅好少…

Wong Kenny 說...

Hi, Alex, 我好想整架英軍北非MATlLDA,因為我已經哂,唔知邊間resin靚,連係邊有得賣都唔知?龍記會唔會出埋架早期Sherman ll?
唔好錯過felixip。蟻速畫行個Blog,佢係我舊同事兼好友,現任職lMAGl動畫公司,動畫界猛人,剛完成忍者龜電影動畫,跟住有我哋懷念嘅神勇鹰俠,felix個Blog非常精彩咖!

Wong Kenny 說...

Hi Kurtis, 多謝咁賞面,我其實想搵何安攞番D舊嘢出嚟講吓,大家應考盧建立一模型Blog, 加埋各人等嘅作品,應精彩過所有模型雜誌,而且可以有圖,有文字、有聲、有Movie…
最緊要係唔洗錢, 快D諗吓吖…
勿錯過felixip。蟻速畫行個Blog呀!

匿名 說...

模型Blog,有趣啊!

匿名 說...

哈哈, 咁就好啦, 其實 matilda 我都好喜歡, 但就無乜心拎部乜特 iterli 出黎攪, 而家玩模型都係要 relax 下, 可以 OOB 而又過得去的我都會攪 OOB, 吾想同自己過吾去, 至於d乜乜大 project, 都有的但會係龜速進行, 好似攪緊部 panther with interior. 你講的 design 野, 我其實就十分之外行啦, 因為本身我係 IT 人, 更吾知乜人打乜人, 只係係大學時讀過下 usability study and design methodologies, 美不美, 都係自己看, 自己喜歡就算啦...

Wong Kenny 說...

工作上會接觸lT人,我其實着重美術的功能,美麗是其後,有時想見番D舊朋友, 模型這種興趣好「真」, 在虛偽的人性中發著微光,以前的事物很粗糙, 臧着童年時的天真,看不清這個世界時好像快樂些…