星期三, 1月 31, 2007

往日的模型舖




模型舖是少年時代經常到訪的地方, 小學五、六年級就讀位於衛理道的 「九龍婦女福利會李炳紀念小學」, 很就近太平道何文田區, 即最多模型舖的地點, 短短兩年間的學期, 是校園生活最快樂的日子。
砌模型的興趣就在當時開始。 升中試時要補課, 放學時一班同學跑到各模型舖睇厨窗有冇新作品, 愛民邨的「銀冠模型公司」亦是經常到訪的地點之一, 在舊有的「模型時代」中看到 「銀冠 」的舊廣告實在係感動, 普慶戲院後面的「美宜」亦是必到之處, 有傳聞說末走紅前的周潤發先生是「美宜」的常客, 記得「美宜」賣嘅嘢係平D!
現在已很少見到模型舖有放新作品在自己的厨窗中展示, 通常只見到要推廣的貨品被陳列著, 亦可能現在冇乜邊幾個重有咁好心機, 模型係商品、係貨, 要賣錢, 那是不容否定的, 但賣與‘工藝’或接近‘藝術’的‘貨品’, 同買‘玩具’係有D唔同, 消費者希望見到一件精美的製成品而刺激起制作的慾望…少年時代就是因被厨窗內展示的模型吸引而砌模型, 覺得「真正」的模型舖是有自己的作品, 現在所見到的模型舖, 已失去了當年應有的風釆。

4 則留言:

felixip 說...

哈哈!我童年時是住在愛民邨的...
老板娘一家姓朱的,太子爺同我同一間小學,是我的帥弟.

Wong Kenny 說...

咁當時成日撞口撞面都唔知喎!我同幾個同學好鐘意玩對面鋪D電動車,可以座上去自已揸嗰種,你有冇玩過?

felixip 說...

當然有啦!
樓下近投注站還有一間玩具店叫"奇妙閣",有無去? 超貴!!!

Wong Kenny 說...

"奇妙閣"好似冇印像,不過有到過 諸聖中學 對面的一陫屋仔,我想是安置區, 我同D同學仔會到那處租單車踩,重從 諸聖中學 旁的山坡跑落紅磡, 其實係非常危險, 好斜! 嗰時成班人都唔識死!