往日的模型舖

模型舖是少年時代經常到訪的地方, 小學五、六年級就讀位於衛理道的 「九龍婦女福利會李炳紀念小學」, 很就近太平道何文田區, 即最多模型舖的地點, 短短兩年間的學期, 是校園生活最快樂的日子。
砌模型的興趣就在當時開始。 升中試時要補課, 放學時一班同學跑到各模型舖睇厨窗有冇新作品, 愛民邨的「銀冠模型公司」亦是經常到訪的地點之一, 在舊有的「模型時代」中看到 「銀冠 」的舊廣告實在係感動, 普慶戲院後面的「美宜」亦是必到之處, 有傳聞說末走紅前的周潤發先生是「美宜」的常客, 記得「美宜」賣嘅嘢係平D!
現在已很少見到模型舖有放新作品在自己的厨窗中展示, 通常只見到要推廣的貨品被陳列著, 亦可能現在冇乜邊幾個重有咁好心機, 模型係商品、係貨, 要賣錢, 那是不容否定的, 但賣與‘工藝’或接近‘藝術’的‘貨品’, 同買‘玩具’係有D唔同, 消費者希望見到一件精美的製成品而刺激起制作的慾望…少年時代就是因被厨窗內展示的模型吸引而砌模型, 覺得「真正」的模型舖是有自己的作品, 現在所見到的模型舖, 已失去了當年應有的風釆。