上街游行的目的?

六四事件發生了多年之後, 已沒有再參加紀念活動, 其中一原因是民主先鋒變成了政客、政党一堆,攪集會遊行, 發言了無新意, 他們愈來愈關心的只是自己的政治本錢及利益, 六四事件的起因?民族國家的路向? 我聽不見…

平反六四是一個訴求, 如果真是平反了, 今天就平反了! 中國所出現的社會問題由那位民主英雄去解決? 富士康事件後面隱藏着十分大的憂患…民主派人仕, 對中國文化, 現代化進程, 國際上扮演的角色…有冇嘢講?

日日喊普選, 真係,十足一間公司內部的人事鬥爭, 完全冇智慧可言, 講到尾,想爭位坐啫,當坐到正, 跟著發生咩事呢? 民主派再分列成不同的政治勢力, 又嚟爭位戰…
重有, 癲狗聯就真係一個 ‘懷舊’政党! 完全係‘金門炮戰’‘反攻大陸’嘅理念…不過, 只係用把口,要流血? 流吓口水算啦…

更加有位叫做‘維園阿哥’嘅哥仔, D潑婦式罵戰, 遠勝任何高級名牌喇叭! 發瘟女朋友、爭找數C9…西方人有一種說法: 當你去對付一個人的時候,最後, 你會變成與他同一樣的人。 ‘維園阿哥’ 喜愛激列的批鬥式言行、奪取發言權、佢重話過:應該每個人都參要與政治!  阿哥鐘意穿「紅」色, 如果佢生於七十年代的中國, 絕對肯定, 他就會是 紅.衛.兵…

不過, 長毛向官員掟嘢,此行為有所保留,有人天真地以為會教壞細路? 穿西裝、打領呔, 太平紳士話最低工資係二十蚊,…曾起鎦 對文革及民主的無知言論, 先至係真正教壞大人同細路, 他們跟本沒有應得的尊嚴。

六四時期所出版的「河殤」, 論及整個中華民族的文化取向及反醒, 現在應被列為禁書, 紀念六四上街的人, 有沒有想過「河殤」所提出的問題? 政党的虛榮、虛偽, 侮辱了在天安門上為我們流血的同胞。