星期四, 2月 25, 2010

模型盒面的插圖


去年所畫的一幅模型盒面插畫, 這是顧客要求以天安門作為背景, 想表現「係威係勢」嘅中國坦克, 看到中國人今天已能自行設計及生產保衛國土的武器, 相比於 蔣介石 時代,要從英國及歐洲購入輕型戰車,還要欺騙國民是中國自行研製的武器, 缺乏現代裝甲戰術觀念的國民軍隊,無從在對日戰爭中發揮任何作用, 今天站起來了的中國人,背後仍有隱憂…

人的心態是買到一件超值貨品時、就會感到極大的滿足…所以香港D老板都喜歡自己D員工OT, 一來、心中暗喜、今次你班友重唔保貼埋人工比我…OT有制做恐慌的作用, 而家唔OT第日實第一個比人Cut…?? 實質,老版心中暗算:到某日全部大換班, 費事你年年話冇人工加, 請番班細路入嚟、人工平、單純、自己話哂事、冇反抗、我重聽到有個老版咁講: 請人最好係D要負擔屋企嘅人…佢有冇咁慈悲? 講責任? 因為你有家庭負擔, 所以點欺壓都唔敢出聲…長期OT, 冇人工加, 睇你點起飛腳, 少個敵人…

咁講係咪「負面」呢吓? 用人以平價人工為標準、個人能力除外, 引致管理混亂, 工作能力差的員工, 唯有製造各種是非去掩飾個人弱點, 引至週期性的員工流失, 業務只能維持基本運作水平, 無法作長遠發展, 生存條件除依靠「運氣」及欺壓外, 別無其他。

中國大陸的貧富縣殊比香港嚴重得多, 民工到工厰打工, 經歷了一段時期, 民智漸開, 目前有一種工作形式, 是民工以小集團形式替工厰工作, 做完一單貨後收錢, 再有單接再開工,而且…「不加班」。因為受顧的工人多受欺壓、長期加班等於倒貼人工。

這種現像看似是工人「醒咗」、識「紐計」, 但真正的原兇是顧主的無良欺壓, 貧富的差距所做成。我曾參觀過以前一位顧主在內地的厰房, 期間見民工的表情顯得很卑下, 沒有人敢抬頭跟我及幾位同事說話, 好明顯的階級觀念,後來得知…這位老版的一家人到內地設厰,他們居然要求內地員工這樣稱呼他們…這是廿一世紀發生的事情! 內地員工要專稱大老板為「老爺」! ,他的兒子是「少爺」! 如此類推去‘專稱’他們…

後來我告知來自北京的普通話老師, 她聽後十分驚訝!因為在社會主義國家,這種對顧主的稱號可能是違法的…

看華爾街及香港的地產界, 是以「貪」為主導(非行政主導、沒這回事)的世界, 是人間的「餓鬼道」, 佛法所講的各種地獄, 亦存在於人間世界, 釋加牟尼佛 早已告訴我們。

為避免受欺壓及維持公平交易, 以上的插畫是比錢收貨, 冇錢? 冇貨喎…

近日香港亦有人揾人做嘢想唔比錢, 重話個 ‘project’ 係冇 ‘budget’嘅? 有D就扮‘慈善’, 明係商業行為就掛名做慈善機構, 佢哋係以街頭騙案D賊仔為學習對像。

叫呢D老世做‘「老爺」? 叫 「老千」啱D喎!