星期二, 10月 02, 2007
二人の世界 1971
六十年代後期, 舅父在家中添置了第一部黑白電視機, 是National的產品, 外殼是木制的,而附有可關閉的活動摺門, 那部電視機看了很多年…
對於六、七十年代的家庭,能擁有一部黑白電視機,已是很幸福的樣子…當時是香港人第一次接觸到「日劇」的時代,當時家傳戶曉的一部日本‘電視片集’,就是由 粟原小卷 及 竹脇無我 主演的 「二人世界」,日本原名亦是「二人の世界」。
當時經歴過二次大戰的人都進入了中年, 對日本人的印像不很正面, 由這部「二人世界」開始, 香港人開始接受日本文化。 記得母親初看這套‘電視片集’時, 說了這句話:「哦!原來日本人都跟我們差不多呀…」。
「二人世界」確實發揮到政治家所不能成就的事業! 它化解了部份的民族仇恨! 當大家都看見一對日本情侶發生的平凡愛情故事, 那種東方人世務態度, 與我們有多大分別? 還有英俊靚仔的 竹脇無我 ,賢良淑德的 粟原小卷 , 這種代表着人類追求辛福的lC0N, 有誰會不接受? 嫁到日本的本港歌星 陳美玲 ,曾在接受電視訪問時聲稱自己最理想的對像就是要像 竹脇無我 的正真男仕形像!
看「二人世界」時,我們才知道日本人在結婚時是用白色的。
能夠在YouTube上找到這段片段實在非常非常之感動! 持別是這首悅耳的主題曲!
訂閱：
發佈留言 (Atom)
5 則留言:
剛聽過你的‘二人世界’了，多謝！
旋律確鉤起了印象，可惜聽著時，已無法記起該劇的任何影像及背景資料；大概是因為’71年時，在下還差點點，才進入青春期吧。
若非近期興翻炒70年代o既野，恐怕未必有得再欣賞囉！祇係…眼底下的70年代翻炒，祇有look，沒有feel，始終是皮囊欠骨，逃不了還是潮流工廠製做的浪漫…
…話是說得有點刻薄，但純屬個人抒發，休介懷！
我嗰陣十歲都未夠,都識睇喎! 以前D靚人係男人似番男人,女人似番女人!
而家D偶像歌星似 姣婆仔、大檔睇水、白粉佬、旺角馬夫、小人、師奶面(e臣先生)、咖喱啡、白痴仔、婆姆、姑爺仔、紋身貨車司機、扎鐵工人、日本鴨…
好單簡唧，而家D偶像，要經過image consultant‘創造’嘛，既唔可以做得太普通，又唔可以太重複，除非唔洗收設計同顧問費啦！仲有由頭到腳o既sponsors，都可能視偶像為投資工具，捧得紅，牌子又會值錢左都唔定。
再講，叫得做偶像，就梗係要吸引，有須要用‘偶像’黎充實自己思維或者幻想o既人啦…所以，偶像其實或多或少可反映出，呢個地方o既集體意識，同一般人對個人前境o既期待。傳統智慧話呢D叫‘社會多元化’，好事黎架！
你見我講到一舊舊，應該sense倒，在下已經對‘偶像’麻木左咯…塢塢！
如果你有仔女或者小親戚要學D「偶像」紋身,穿環、拍丸、你會點呢? 有人話:紋身都有美感嘅…
以前紐約地鐵充滿塗鴉,話係‘文化’,但係殺人、打劫、強姦令地鐵成為罪犯天堂! 結果塗鴉令人見到都驚,現在已全部鏟走哂!其實係好「得人驚」,文乜化吖!
紋身穿環會愈攪愈多花臣,會演變成專登嚇Q你咁樣, 而且D人冇諗過D圖案會唔會0ut喎! 遲早出現D南美拉丁爛鬼咁樣嘅人!
外國D衰嘢無謂學叮!假前衛、真老土呀!
先答你o既問題，如果係我o既仔女，好大程度上，係我自己o既責任：
人階有獲得啟發o既須要 — 未能從父母親朋處得到o既部份，會出現一個個o既思想真空，無論有意識與否，終歸要尋找填補…為人父母者，其中一個最關鍵課題（或者亦係挑戰），就係唔可以俾兒女，發展出太多真空，同埋出現左，唔好剩係識叫D仔女行遠D，任由自生自滅。至於親戚，就唯有外交手腕D，扮下社工，做得幾多得幾多，因為講到底，責任在其父母肩上。
紋身、塗鴉，部份都算有美感，幾artistic架。
好多事物其實都係中性o既，本身沒有所謂meaning。正邪好壞，都祇係人自己無意中注入去，又或者話，人自己（亦係無意中）選擇要點融匯o既問題。以語言為例，要明解，就祇有將某D發音，同某特定語言系統o既意思融匯；但必須注意，如此一來，發音同意思o既關係，就定左型架喇…有趣o既係，同一堆發音，套入另一個語言o既context，就幾乎一定會表達出其他意思。
由另個方面理解，在白畫紙上上彩，跟顯示器因應用者的多樣須要，由空白而續變 — 你寧見自己的思維，像二者中那個呢？
…唔，愈講愈玄添，都係點到即止算喇！
'It is the meaning we assign to the people and events we encounter that affect us for good or ill, not the events themselves.'
~ Hendrie Weisinger from his book Emotional Intelligence at Work.
發佈留言