上世紀的一九九五年, 看到這本書的封面, 標題是: 如何令人回復及發現到自己的創作力…
我當時心裏想, 「係咪呀? 有得教嘅咩?」 曾讀過設計課程的人都會知道, 「創作力」是很難「教」的! 亦很難被「教」出來。吸引我買這本書的原因是在封面底部的宣傳句語, 推介這本書的人是 MARTlN SCORSESE ! 今屆憑「無間道風雲」攞獎嘅大導演。
結果我買咗這本書。
作者 JULlA CAMERON 如何教導 Creative呢? 她是從人的心理狀態作出發點, 跟一些分析性的文章有很大差明, 以前在人推介 EDWARD DE BONO 的 Lateral thinking (台譯:水平思考法)。看後發覺把人的思考過程過份理性化地分析, 適合機械人睇多D, 或者借用一位‘包頂頸’嘅朋友腦袋用一用, 咁好似方便D, 有一位英藉從事廣告創作的同事更對我話 EDWARD DE BONO 的書係rubbish!
JULlA CAMERON 其中一個可啟發我們 「創作力」的方法就是每天寫一篇文章, 不論內容, 寫三分鐘, 三個月後就會清楚知道自己的路向? 這個跟我們寫Blog好接近, 籍得大家一看!
因為呢本書係九五年的初版, 真係舊到冇得賣! 新版係改為一幅中國山水畫, 因為作者好推祟我哋中國嘅 「老子」思想。
可到Amazon買:
10 則留言:
我也閱讀很多開發創意的書，可是不見得我的創意有增長呢。
題外話, 你好像蠻喜歡鐡皮玩具，家裡有多少個?
呢本係最好, 其實大部份教「創意」嘅書都係「商品」, 內容唔實際,呃人!
我喜歡鐡皮玩具,家裏好少, 會有些少鐡皮玩具攪作, Keep in touch 就會知…
我都應該買返本睇下~^^~我呢創意不合格的~ :P
miumiu
Kenny買玩具唔可以比人知ga~~haha~^^~
miumiu :p
kenny老師，那你對創意有何看法? 怎樣可以提升?
期待你的玩具攪作吧，會是一個展覽?
Miumiu,
其實「創意」有時係在巧合之中產生的,亦好難「教」出一個有創意嘅人, 呢本書其實同我哋提供「心理輔導」, 重拾自己隱藏的「創意」。跟其他吹水文章差好遠! 不過要備有字典, 因為D用詞都幾深咖!
買得大份嘅模型真係要收收吓好D呀! 費事引起周圍嘅人產生不安… 係呀…
廣明,
「創意」有D人天生就有, 係多生之前開始形成的, 點解?唔係我哋人類嘅智慧可以明白咖!等於有人天生就係靚女,乜都唔洗整,間中有D人可以執番正,但老咗會變番蝙蝠俠中嘅 小丑 咁樣!
想提升「創意」?我都唔知有乜辨法? 倒不如睇呢本書接受吓「心理輔導」好過…
我嘅攪作在進行中,到適當時侯會話你知。
老師? 真係擔當唔起喎… 我對以前D老師都有D失望…
袁建滔那兒有篇有關創作的轉載, 值得一看
ttp://toeyuen.blogspot.com/
我睇過,都講得好啱,其實視乎一個人如何投入自己創作嘅世界, 愈投入愈自然流露出創意。
發佈留言