偷運模型方法學

過年期間用電話跟 戴兆洪 先生拜過年, 佢話有D舊模型想出讓, 例如88mm炮, 應該係双星嗰隻, 戴先生話只售與 有為及有上進心 嘅青年, 下流低俗之人渣就免問。
朋友中有人因老婆反對而唔敢砌、買模型, 景況十分之淒慘, 日日過得暗淡無光, 重光的日子不知等到何時? 在此等侍黎明的時期, 我建議沿用做細路時嘅買模型技巧:
先將個盒棄掉, 再將部件放進公事包, 然後搵間舊式茶餐廰, 最好係經常有麻甩佬囉著本馬經嗰隻, 因為呢種地方好少女人到, 撞正老婆嘅機會較低, 坐低之後, 叫杯嘢飲, 鐘意飲奶水嗰D可以叫杯奶水定吓驚先, 再將模型分件放進公事包內, 如果重唔放心, size 夠位fit嘅話, 可再用舊公文袋入往。
返到屋企入門囗之前, 此時要停低培養一吓情緒, 用手按著左腹對上之部位, 微微垂低頭, 下唇放鬆, 雙眼作Out Focus狀, 然後將公事包微微扭向大腿後則, 入門囗後粒聲唔出, 見到老婆時, 盡量令她的視線集中在自己的面孔或胃部, (可先買支凍礦泉水搽上頞頭扮Bill冷汗), 或本身真係驚到Bill冷汗, 當老婆相信自己真係胃痛時, 技巧地將公事包放喺枱底或陰喑的地方, 最好等佢沖涼嗰時, 回複本來面目, 迅速地丶靈巧地取出公事包內之散件, 分散放在不同的舊模型盒中…
一般女人對坦克車都冇乜研究, 拿出一盒88mm炮砌出一架Char B1, 照計佢應該會唔多覺…