精密模型

嗱! 嗱! 嗱! 係咪呢本呢, 第六期開始用GUNDAM做封面, 非常熱賣! 可以話你知, 其實當時最唔賣得嘅係-高達! 好多鋪頭賣剩嘅都係-高達! D人唔鐘意佢有對眼同有個「鼻」, 最好賣當然係智護國嘅 渣古、紅彗星、大魔、魔蟹、老虎…地球聯邦軍方面, 吉母都幾多人鐘意, 因為佢冇‘人樣’, 當時BANDAI的GUNDAM模型其實係平價貨, 原價應為廿四蚊左右, 炒價到百幾蚊一隻, 因為BANDAI的生產額是依預算制定的, 但產品的受歡迎程度遠超估計, 所以出現搶購熱, 香港要排長龍買GUNDAM, 日本更因爭買而發生流血事件, 重係要Call白車果隻! 香港最多人爭同炒價最高嘅你估係邊隻? 其實係 「雷射大炮」! 炒到四百幾蚊隻, 搶得最快, 我連見都未見過! 據聞炒GUNDAM係由土瓜灣一間模型玩具店攪起, 亦因而發到開分店咁話, 當時巿面上曾出現一批「老番」GUNDAM, 粗D, 我見過一次, 不過冇証據話係邊位奸商所為吖…
不過砌咁耐模型, 我一隻GUNDAM都未買過, 還是喜愛傳統的軍事模型。